Onderstebo lekkerte
Oral is die diep oranje van suikersoet ClemenGold®mandaryne nou op die winkelrakke te sien. Kry joune by jou naaste Woolworths en geniet hierdie heerlike sitrusvrugte skyfie vir skyfie op sy eie of maak dit deel van jou gebak
ONDERSTEBO CLEMENGOLD®EN-PAPAWERSAADKOEK
Hierdie koek propvol geur is op sy lekkerste koud uit die yskas met warm vla. genoeg vir een 22 cm-koek
KOEK
6 ClemenGolds®, geskil en in helfte gesny
185 ml melk
45 ml botter gerasperde skil van 3 ClemenGolds®
210 g (250 ml) strooisuiker 2 eiers, geskei
2 eiers
160 g (375 ml) koekmeel 7,5 ml bakpoeier knippie sout
125 ml papawersaad
STROOP
320 g (375 ml) suiker 250 ml water 45 ml botter
250 ml ClemenGold®-sap 250 ml crème fraîche 5 ml vanieljegeursel
KOEK Verhit oond tot 180 °C. Voer losboomkoekpan met deursnee van 22 cm met bakpapier uit en spuit deeglik met kleefwerende kossproei. Pak halwe ClemenGolds® met gesnyde kante na onder in pan – maak seker die hele bodem is bedek. Kook melk, botter en ClemenGold®-skil saam en laat afkoel tot louwarm. Plaas strooisuiker, 2 eiergele en 2 eiers in ’n groot mengbak en klits tot lig en romerig. Sif meel, bakpoeier en sout saam en vou met ’n groot metaallepel by eiermengsel in. Voeg afgekoelde melkmengsel by beslag en vou in. Klits 2 eierwitte tot sagte punte vorm. Vou saam met die papawersaad by beslag in. Skep mengsel in voorbereide pan en bak vir 30-35 minute of tot ’n toetspen skoon uitkom.
STROOP Kook suiker, water en botter saam en roer tot suiker gesmelt het. Verwyder van hitte en roer ClemenGold®-sap by. Gooi warm stroop oor koek sodra dit uit die oond kom en laat afkoel. Klits crème fraîche en vanieljegeursel saam. Keer koek uit op dienbord en sit voor met vanieljeroom.