Honde verskeur kleinboer se skape
MELKHOUTFONTEIN Twee rondloper honde het nege skape van ‘n kleinboer verskeur.
Dit het volgens inligting van die skutmeester, Herman Conradie vermoedelik Maandagaand 17 Julie gebeur. Van die skape het nog lammetjies en die verlies beloop duisende rand.
Die twee honde, waarvan een moontlik ‘n pittbul is, is Dinsdagmiddag 18 Julie geskut.
Dieselfde kleinboer het verlede jaar 15 skape op dié manier verloor.
Inwoners word gemaan om toe te sien dat hul honde nie rondloop nie.
Indien iemand die honde herken of weet aan wie hul behoort kan Hessequa
Munisipaliteit geskakel word by 028
713 8000.
• Besoek www. suidkaapforum.com vir ‘n fotogalery.