VF+ deel warmte uit
RIVERSDAL ‘n Klein bietjie warmte is aan inwoners in die omgewing van Kruisrivier deur middel van ‘n mildelike skenking gebring.
Rdl Johannes Hartnick (onder-burgemeester: Hessequa Munisipaliteit) het op eie inisiatief die skenking vanaf eerw Kitty Beukes ontvang. Beukes is ‘n oud-Riversdaller en voormalige skoolhoof by Kruisrivier Primêre skool. “Hy het ses sakke wintersklere, komberse en bestanddele vir sop geskenk.”
Riversdal VF+ het dit op hul onkoste na Hessequa gekoerier en op Saterdag 8 Julie uitgedeel. “Die mense was baie dankbaar. Dit is die VF+ se manier om aan die gemeenskap terug te gee, veral die wat dit nodig het.”
• Besoek www.suidkaapforum.com vir ‘n fotogalery