Sportlegendes in die Eden-distrik word gesoek

EDEN-DISTRIK Sportlegendes wat oor jare ‘n wesenlike verskil in sport en hul gemeenskap gemaak het, word jaarliks deur die Departement van Kultuursake & Sport, in samewerking met die distriksportrade vereer.

Die groot uitdaging lê daarin dat besture van sportfederasies baie verjong het en dat baie van die legendes nie aan hulle bekend is nie. Om daardie rede wil Eden Sportraad die publiek se hulp inroep om hierdie legendes op te spoor.

Wie kwalifiseer as ‘n legende?

• Persone wat ‘n meetbare bydrae tot sport gemaak het.

• Persone wat as ikone in hul gemeenskappe beskou word.

• Persone wat sonder om terug te hou, hulle alles vir sport gegee het.

• Persone wat ‘n beduidende rol gespeel het om sport voor 1992 rigting te gee.

• ‘n Leeftyd van diens aan sy/haar sportkode in die algemeen gegee het.

• ‘n Genomineerde moet ouer as 55 wees en verkieslik afgetree, behalwe in uitstaande gevalle waar omstandighede vanself spreek.

• Eenkeer ‘n legende, altyd ‘n legende legendes kan dus net eenkeer vereer word.

Alle sportsoorte, asook die onderwysberoep kan vanjaar genomineer word. Die sluitingsdatum is 18 Augustus en alle nominasies moet deur die betrokke sportfederasies ondersteun word. Die publiek kan voorstelle aan die Eden Sportraad maak, wat oorweeg sal word.

Die volgende inligting word benodig Sportkode, naam en van, ouderdom, woonadres, telefoon- of selnommer, eposadres, asook ‘n kort beskrywing van die persoon se prestasies en betrokkenheid.

Stuur dit aan sportcouncil.eden@gmail. com. Nominasievorms kan ook van EDENSR sportcouncil.eden@gmail.com aangevra word.