Veiligheidswenke vir plase
RIVERSDAL Die plaaslike polisie het die volgende punte saamgestel om boere te help om hulle en hul gesin se veiligheid op plase te probeer verseker: • Sorg dat u ‘n werkbare gebeurlikheidsplan het oor wat om te doen, sou u ‘n slagoffer van ‘n plaasaanval word;
• Let op na u onmiddellike omgewing, soos plantegroei of ander dinge wat skuiling aan aanvallers kan bied.
• Sorg vir voldoende omheinings en diefwerings wat vertraging kan bewerkstellig.
• Beligting om die opstal, met die wenslike skynrigting weg van die opstal af - sodoende bly u in die skaduwee.
• Skakel binneligte af en buite ligte, GKTV (geslotekringkameras)of 'n noodalarm aan indien onraad vermoed word.
• Sluit by 'n WhatsApp-groep in u omgewing aan.
• Hou rekord van plaaswerkers en stukwerkers.
• Raak vertroud met u buurman en sy erf. • Sorg vir goeie kommunikasiemiddele soos selfone en radios.
• Word deel van landelike beveiligingstelsels en help om dit suksesvol te laat funksioneer.
• Hou noodnommers byderhand.
• Ken jou vuurwapen en die wetlike aspekte.
• Maak die huis se gordyne toe voor donker.
• Handhaaf ‘n goeie werknemer/werkgewer verhouding.
• Stel jou bure in kennis wanneer u die plaas verlaat vir vakansie of as u vir ‘n onbepaalde tyd van die woning af weg gaan wees.
• Waghonde, sowel as ganse bly ‘n goeie waarskuwingstelsel.
• Streng toegangsbeheer op plase is belangrik om u en u werkers se veiligheid te beskerm. Onthou: As die huiseienaar geweet het watter tyd van die dag die dief sou kom, sou hy wakker gebly het en nie toegelaat het dat daar by sy huis ingebreek word nie.