Nog dwelms van straat af

Diefstal

Voertuie, maar veral motors se kentekens word deesdae baie gesteel. Volgens ao. Alroy Windvogel, plaaslike mediawoordvoerder, word Toyota-motors meestal geteiken. Enigiemand met inligting hieroor kan met Windvogel in verbinding tree by 028 713 1910. ’n Beloning word aangebied indien die skuldigbevinding suksesvol is.

Projek

’n Projek genaamd 'Customer is King' is van stapel gestuur. Enige negatiewe of positiewe inligting kan aan die stasiebevelvoerder deurgegee word sodat dienslewering deur polisielede verbeter kan word.

Gesinsgeweld

Enigiemand wat deur een of ander vorm van gesinsgeweld geraak word, moet seker maak dat hulle so gou moontlik kontak met sp.sers. Imorgene Hendricks maak, wat hulle sal help met aansoeke van beskermingsbevele. Sy kan by 079 893 9930 geskakel word.

Traumakamer

Lede van die Heidelberg VEP (traumakamer) onder leiding van sp.sers. Imorgene Hendricks het Donderdag 2 Augustus, as deel van hul uitreiking aan die landelike gemeenskap ’n projek geloods waartydens hulle klere aan behoeftiges uitgedeel het. Hendricks het saam met Magrieta Pieters en Elizabeth Neethling die klere oorhandig en terselfdertyd die begunstigdes ingelig oor gesinsgeweld en kinderverwaarlosing.