Hessequa potspelligauitslae
Sondag 11 November Crazy 8 teen Playboys
Crazy 8 van Riversdal het in hul weg derbywedstryd teen Playboys van Riversdal met 19-15 gewen en na die halfeindronde deurgedring. Beide Crazy 8 se C- en B-spanne het hul wedstryde met 7-5 elk gewen, terwyl die A-spanne met 5-5 gelykop gespeel het om die wedstryd in Crazy 8 se guns te beklink. Lionel Daries van die wenspan is speler van die wedstryd.
DéJà Vu teen Power Kings
DéJa Vu, ligavoorlopers van Heidelberg het in hul tuis derby kwarteindstryd Power Kings se krag ontkoppel en met ’n sege van 19-9 uit die stryd getree. Die C- en A-spanne van die tuisspan het hul wedstryde met 9-3 en 4-0 onderskeidelik gewen, terwyl die B-spanne met 6-6 gelykop gespeel het. DéJà Vu dring na die halfeindronde deur. Steven Williams van die wenners is speler van die wedstryd.
Pumas teen Khula’s
Pumas van Heidelberg het redelik gemaklik vir Khula’s van Riversdal in hul tuis kwarteindstryd met 19-9 gewen. Pumas se C-span het goed afgeskop en met 7-5 gewen, terwyl hul B-span gemaklik met 9-3 gewen het. Hul A-span moes toe net drie van hul nege wedstryde wen om die wedstryd te beklink en het met ’n sege van 3-1 na die halfeindronde deurgedring. Pumas se Marcelino Meyer is speler van die wedstryd.
Tiger Shooters teen Down Town
Tiger Shooters van Slangrivier het in hul kwarteindronde tuiswedstryd vir Down Town van Albertinia met ’n 19-11 sege terug huis toe gestuur. Die tuisspan se C- en A-spanne het hul wedstryde met 8-4 en 5-1 onderskeidelik gewen, terwyl die B-spanne met 6-6 gelykop gespeel het. Tiger Shooters se Tyron Lotz is speler van die wedstryd.
HESSEQUA POTSPELBEPALINGS
Die halfeindronde wedstrydbepalings vir Sondag 18 November in die Hessequa Potspelunie is soos volg: Tuisspanne eerste: Tiger Shooters teen Pumas en Dé Ja Vu teen Crazy 8.- Clive Pretorius, korrespondent