Nog inspirasie
1
Soos ’n sonstraaltjie Die sanger Elvis Blue (Jan Hoogendyk) en sy vrou, Chireze, huiwer nie om helder kleure in hul huis op George te gebruik nie – en die gastebadkamer is ’n sprekende voorbeeld! Chireze het ’n imbuia-buffet ingespan as wasbakkas nadat dit ’n vrolike geel baadjie gekry het. Vinielplakkers met keramiekteëls tussenin skep ’n treffende fokuspunt agter die toilet.
Vinielplakkers van Robin Sprong; hanglampe en wasbak van die Sedgefield-mark 2
Donker bekoring Wie’t gesê klein ruimtes moet lig en helder wees? Katie Farringer bewys die teenoorgestelde in haar piepklein gastetoilet in Stellenbosch. “Ek het lank gesukkel om dié ruimte met gedempte kleure op te kikker, maar dit wou net nooit werk nie,” sê sy. “Toe kies ek iets donkers – nou’s dit vir my beeldskoon!” sê sy.
Wasbak van Hadeda 3
Kunstige deur Die kunstenaar Richard Scott het een van sy ikoniese werke sommer op die deur van die gastebadkamer in Justine en Corné Krige se kleurvolle huis in Melkbosstrand geverf. As jy self nie gekonfyt is met ’n verfkwas nie, laat maak ’n afdruk of kies ’n vinielplakker vir jou deur. Wanneer jy trek, vervang die deur waarop die kunswerk pryk met ’n nuwe, en neem die beskilderde een saam! VERSKAFFERS Hadeda 011 788 5774, hadeda-tiles.com Home Fabrics 011 266 3700, homefabrics.co.za
MRP Home 0800 212 535, mrphome.com Pudlo 021 448 0607, pudlo.co.za Robin Sprong 021 447 9842, robinsprong.com