#4
Hout en teëls
Nadat hulle bykans elke liewe muur in hul huis in Pretoria uitgebreek het ter wille van beter vloei, het Trisch Barnard en haar man, Robert, die afwerking onder hande geneem. Aangesien hout ’n tema deur die hele huis vorm, het hulle dit in die badkamers herhaal.
“Die hout komplementeer die metroteëls in ons en suite sowel as die gesinsbadkamer (bladsy 20); dis ’n kontemporêre afwerking wat goed kontrasteer met die retro-sementteëls op die vloer en die gepigmenteerde sementteëls teen die fokusmuur,” sê Trisch, ’n interieur-argitek. “Die hout verleen ook warmte aan die vertrek, terwyl die patroonteëls visueel prikkel.”