KENNERSRAAD

Kandelabers is steeds baie gewild in badkamers, maar huiseienaars moet seker maak hulle koop die regte soort passtukke, sê Melissa Davidson van The Lighting Warehouse.

Omdat dit ’n nat vertrek is, moet die passtuk aan streng wetlike regulasies voldoen. Beligting word volgens IP-graderings (“ingress protection”) geklassifiseer: hoe hoër die IP-gradering, hoe meer waterbestand die passtuk. Enige passtuk in ’n badkamer, hetsy vir ’n kandelaber of nie, moet minstens ’n IP44-gradering hê; dit verseker dat die lig verseël en spatbestand is. As passtukke nie dié gradering het nie, sal jy nie ’n sertifikaat van voldoening by ’n elektrisiën kry wanneer jy eendag jou huis wil verkoop nie. KONTAK lightingwarehouse.co.za

Die koperbad aan een kant en die twee wasbakke aan die ander kant word geskei deur ’n muur van rou bakstene; die kontras maak ’n treffende fokuspunt van die kandelaber en bad.Bad van Copperbath; kristalkandelaber van Decorators Warehouse Die bad vertoon treffend op die swart en wit keramiekteëls van CTM.Wasbakke (oorkant) van Antique Bathrooms; spieëls van Con Amore