KENNERSRAAD

Muurgemonteerde krane werk vir wasbakke wat nie kraanopeninge het nie of wat verhewe sye het, soos dié wat bo-op ’n blad gemonteer word, sê Joslyn Goodale Pickering van Victorian Bathrooms.

Dié krane kom in verskeie ontwerpe – van dié wat met ’n hefboom-aksie oop- en toemaak of die gewone kruis-greep het, tot tuite met interessante vorms of wat heen en weer kan draai.

“Terwyl muurgemonteerde krane perfek is vir ’n gastebadkamer waar mense net hande gaan was, is dit dalk nie so prakties in ’n hoofbadkamer waar mense byvoorbeeld gesig sal was of skeer nie, aangesien die tuit in die pad kan wees,” verduidelik Joslyn. “Muurgemonteerde krane is ook moeiliker om te bereik, veral wanneer jou oë toe is!

“Dekgemonteerde krane is in baie meer style te kry en daar is ook ’n veel groter verskeidenheid bypassende wasbakke, wat dit maklik maak om jou gewenste voorkoms te kry.” KONTAK victorianbathrooms.co.za

Ek is dol oor die feit dat die badkamer persoonlikheid het en die res van my huis komplementeer. – Hannah