Tot sy volle glorie

#5

Francois en Marianne Botha van Wynberg in Kaapstad was naaswenners in 2014 se Regruk met Flair-kompetisie. Hul huis, wat in 1859 gebou is, was in ’n treurige toestand. Veral die badkamer, waar vinielteëls bo-op die oorspronklike houtvloer geplak is, het aandag gekort. Die paartjie was vasbeslote om die vloer tot sy volle glorie te herstel.

Nadat al die ou teëls teen die mure afgekap is, het hulle die vloer self geskuur en herstel. ’n Pootjiesbad is ingesit en die oorspronklike krane is weer gebruik nadat John Brass Taps & Fittings in Soutrivier, Kaapstad, dit herstel het. Hulle was hoogs in hul noppies met die eindresultaat.