Nog inspirasie
1
Dié swart gietysterbad staan dramaties uit voor ’n betowerende fokusmuur van teëls in die Marokkaanse styl, terwyl metroteëls teen die ander mure en ’n kwartsvloer die ruimte volmaak afrond. Die buitekant van die bad is behandel met ’n roeswerende verf voor dit afgerond is met swart Hammerite-verf.
2
Vir ’n Marokkaanse gevoel kan jy benewens teëls ook elemente van ruwe hout gebruik. Agter dié sierlike dubbeldeur skuil ’n gerieflike instapkas.
3
’n Eenvoudige spuit met ’n “roos” waar dit uit die muur kom, gekombineer met krane van vlekvrye staal en ’n spieël in ’n swart gebeitste houtraam – als van Moroccan Warehouse in Kaapstad – pas perfek by dié badkamer met sy geseëlde sementmure (Earthcote Pandomo in die kleur Amaglass van Paintsmiths). ’n Marokkaanse seepbakkie rond die prentjie perfek af.