Nog sementinspirasie
1
Dié sement-en-glas-wasbak in Johan en Rika van Zyl se huis in Bloemfontein is ’n treffer! Die oppervlak het ’n betonlatei aan die voorkant en ’n yster-raamwerk daaragter. Hierop is ’n betonblad skuins gegiet, wat toe met glas bedek is. Die water vloei oor die glas na ’n geutbak aan die agterkant, wat na die afvoerpyp lei. Coprox se Masonry Waterproofing in die kleur Light Grey, waarmee die wasbak geverf is, is agterna geseël met Coprox Wall & Floor Clear Sealer.
2
Cemcrete-produkte is immergewild, soos in dié badkamer in Sandton. Dis ’n wonderlike alternatief vir teëls, voel sag as jy daaraan vat en is maklik om skoon te maak.
3
Dié “naatlose” wasbak is vooraf laat giet by Vibraneat, en toe op baksteenmuurtjies staangemaak en vasgemessel. Die mure bo die wasbak is grof gelaat, wat saam met die eenvoudige spuit van koperpyp en bypassende koperkrane aan dié ruimte ’n industriële gevoel gee. Die goue spieëlraam, staanspieël, skinkbord en seepbakkie verleen weer elegansie. >>