Só maak jy
VOOR JY BEGIN
Verf die muur in die basiskleur – ons het Lorain’s Cream gebruik. Wend twee lae verf aan; wag dat die eerste laag goed droog raak voor jy die tweede laag aanwend (ongeveer 30–40 minute tussen lae). Wag dan oornag voordat jy met die stensilwerk begin, aangesien die maskeerband waarmee jy die stensils in plek moet hou, die vars verf kan aftrek. 1 Verf die “blokke” met jou eerste stensil – die stensil het uitgesnyde vierkante waarmee jy die teël-voorkoms kan skep. Plak die stensil met maskeerband vas. Gebruik ’n sponsroller en verf die “teëls” met die Coral Stone. Die roller moenie druipnat wees nie, en die verf moet egalig oor die roller versprei wees. 3 Plak die patroon-stensil in posisie met maskeerband op die presiese plek waar die blok-stensil was. Wenk Maak klein potloodmerkies aan die einde van stap 2 sodat jy weet waar die nuwe stensil moet kom. 2 As die blokke droog is, neem ’n 50 mm-verfkwas of ’n stensilkwas en wend Cloud White met die droëkwastegniek aan in elke alternatiewe blok. Wag tot droog en verwyder die stensil. Herhaal oor die hele muur tot elke tweede blok ’n ligter agtergrond gekry het. 4 Gebruik ’n stensilkwas en wend Comfort’s Blue aan oor elke alternatiewe blok (dié met die Cloud White-agtergrond). 6 Gebruik ’n verfskraper en smeer die Stencil of Paris egalig oor al die oop blokke wat in stap 1 met Coral Stone geverf is. Verwyder die stensil versigtig van links na regs ná aanwending. 5 Meng nou 5 ml Elvis Mix by ’n potjie Stencil of Paris. Die verf kleur die Stencil of Paris-pasta in ’n sagte room-bruin. 7 Maak seker die stensil is skoon voordat jy die patroon herhaal (was dit in louwarm water en maak goed droog) totdat jou hele muur versier is. Die Stencil of Paris neem 2–3 uur om heeltemal droog te word.