... met ’n tussenvloer

Wanneer jy ’n tussenvloer bou, raadpleeg ’n struktuuringenieur wat sal seker maak die nuwe vloer is veilig en sterk genoeg vir die gewig wat dit moet dra. Wilna, Gerrit en Jaco het die volgende proses gevolg:

• Twee openinge is in die mure oorkant mekaar gemaak vir die installering van die I-balk waarop die vloer rus.

• In die muur wat parallel loop met die I-balk is gate vir die dwarsbalke gemaak. Die gate is afgewissel met hangboute sodat die ou skuurmuur nie te veel verswak sou word nie, veral bo die vensters.

• Die dwarsbalke is sowat 40 cm uitmekaar gespasieer en pas in die gate of hangboute aan die een kant, en rus op die I-balk aan die ander kant. Wilna sê die dwarsbalke kan verder as 40 cm uitmekaar wees, maar sy wou doodseker maak die tussenvloer is veilig. Alle openinge is hierna toegemessel.

• Die vloerplanke wat bo-oor die dwarsbalke gelê is, is een vir een gesaag en laat pas omdat die stoor se mure krom is. Die planke is parallel met die I-balk gepak en met spykers aan die houtbalke vasgekap.

• Bo-op die I-balk is vierkantige staalpype van 50 mm x 50 mm x 1 m vasgesweis – vier in totaal.

• Ou bloekomplanke van die plaas is vir die relings gebruik en is dieselfde kleur as die staal geverf. Dié hout is baie sterk en is met draadsnyskroewe aan die staalpilare vasgesit.

• opgesitDie trapis enis gebouis rondgeskuifvoordat die totdat relingsdit op die regte plek was. Jaco en Wilna wou dit aanvanklik aan die linkerkant van die tussenvloer installeer, maar omdat die dak aan die kante so laag is, het hulle heeltyd hul koppe gestamp – die middel van die vloer was die enigste opsie! >>