Hoofveranderinge
Die rand van die ou swembad is verwyder en met ’n nuwe rand van natuurlike klip vervang. Die swembad is in twee verdeel deur ’n muur oor die lengte daarvan te bou met die ou stene wat voorheen vir die plaveisel rondom die swembad gebruik is. Die een kant is vir swem; die ander kant is die vleilandgedeelte waarin waterplante geplant is om die swembad se water te suiwer.
In die vleilandgedeelte is ’n horisontale houtstruktuur waardeur sponsagtige doek (in Engels bekend as “batting”) gedrapeer is. Dit dien as filtrasiemeganisme onder die gruislaag waarin die plante groei. Dié houtstruktuur is bedek met houtlatte en tweedehandse skadunet. Filtreerpype is strategies daaronder geplaas, waarna ’n gruislaag van 35 cm bo-oor die latte en skadunet gegooi is. Die vleilandplante is hierin geplant. Die wortels van die plante groei deur die gruis, skadunet en latte tot in die water onder die houtstruktuur, en alles dra by tot die filtreerstelsel. Die filtreer-
Die vleilandgedeelte is ook in twee verdeel – een deel is effens opgebou en is hoofsaaklik vir vleilandplante, terwyl die ander deel dieper gelos is vir waterlelies, waterblommetjies en onderwater-grasse. Al drie dele van die eko-swembad is met mekaar verbind deur ’n stelsel van filtreerpype en gate in die skeidsmuur. pype sirkuleer die water van onder die houtstruktuur na die swemgedeelte. Die swembad is eers vol water getap voordat die inheemse waterplante in die gruis geplant is. Die plante is volgens hoogte gerangskik – van hoog op die verste punt tot laag in die voorgrond.
Die swemgedeelte en die gedeelte waarin die waterplante (lelies) groei, is met ’n ekovriendelike, waterdigte swart verf geverf. Die kleur skep die natuurlike voorkoms van ’n bergpoel of swemgat.