Só reis mens mos in styl
’n Paar lae verf en ’n tikkie persoonlike aandag het ’n ou karavaan in ’n lieflike kampplek op wiele omskep.
Heidi en Bevin van der Westhuizen en hul kinders, Nicolas (8) en Daniël (5). Bellville, Wes-kaap 16,5 m² Die buitekant van die karavaan is net so gelos, behalwe vir ’n ry kleurvolle viniel-plakteëls. Wit waterbestande vlaggies wat Heidi self gemaak het, sê “Welkom!” in vintage-styl.
“Ek het nog altyd van ’n swart-en-wit kleurskema gehou,” sê Heidi. Toe sy nie swart en wit vinielplakteëls in Suid-afrika kry nie, het sy op ebay gaan soek. “Dis voor my deur afgelewer en was baie maklik om te lê. Ek het ’n Nt-snyer gebruik om die moeilike hoekies te sny en het dit sommer op die bestaande vloer geplak,” vertel sy. >>
Retro Circles-tafellap van Lula Fabrics; rooi kol-kussing van Woolworths
Heidi maak dié pragtige spieëls deur spieëlborde van perspeks met ’n lasersnyer te sny.