Ougoed vir nuwe ruimtes

Ruben en Tracey het al die herwinde houtbalke, ou deure en vensterrame in hul huis met liefde gerestoureer. “Ons is voorste snuffelaars op skrootwerwe, veilings en markte. Hier is selfs ’n paar goed wat ons oorsee gekoop en gerestoureer het vir die ‘perfekte plek’ wat ons eendag daarvoor sou kry,” sê sy.

Die granietblad vir die eetkamertafel is byvoorbeeld spesiaal in Italië gemaak. “En op die stoep hang stasieligte van blik wat ons op ’n veiling gekoop en gerestoureer het,” verduidelik sy. Net soos die koskas in die kombuis – dié het in ’n stadium as bêreplek in ’n fabriek se gereedskapkamer gedien. “Ons het die verf verwyder en die kas herstel. Van die lampe is ou fabrieksligte wat ons op skrootwerwe gekoop en gerestoureer het.” Ruben het ook herwinde Oregondennehout en koperplate gebruik as afronding vir die kombuiseiland.

Maar moenie dink hulle gooi sommer net goed bymekaar nie. Die Le Rouxs slyp hul selfdoenvaardighede nou al jare lank. “Ons het voorheen vir 13 jaar in Alberton gewoon en daar veranderings in en om ons huis aangebring,” verduidelik Tracey. Met dié projek het Ruben die meeste bouwerk self, saam met ’n paar helpers, aangepak. Hy het byvoorbeeld man-alleen die Oregondennehoutbalke op die stoep ingesit, want g’n dakbouer het daarvoor kans gesien nie. “Die balke moes parallel loop tot bo die sitkamer – en party is amper 10 m lank!” vertel Tracey trots. >>

Sarel en Lizamariè du Plessis Rietvalleirand, Pretoria 110 m²

Wat is jul raad aan iemand wat dié boumetode wil volg? en sement?

Bouers is dikwels nie behoorlik ingelig oor die metode nie en vra daarom sommer meer vir staalwerk. Maak seker jy kry ’n goeie sweis-subkontrakteur, want hy is as’t ware jou hoofkontrakteur, sê Sarel. As jy nie self bou-ervaring het nie, kry ’n goeie projekbestuurder wat ondervinding het van dié soort konstruksie.” >>