WANT Tuis KAN!
’n Span vrywilligers van Media24 se OnsKan24-projek het onlangs ’n Kaapse hoërskool gaan mooimaak met se eie verf. Kyk net so!
Tuis
Vanielje-soetkoekies uitgedruk in letters (kyk aanlyn by valuesupplies.co.za as jy sulke vorms soek) spel die naam van die projek uit: WeCan24/OnsKan24. Dis se kosredakteur, Johané Neilson by Renaldo Schwarp van die OnsKan24-projek) wat die koekies gebak het.
Die Sarepta Senior Sekondêre Skool in Kuilsrivier buite Kaapstad spog deesdae met ’n aantreklike medialokaal en kombuis, danksy ’n slim regrukprojek met Tuis|Home Dirty Hands Chalky Décor Paint. ’n Handjievol vrywilligers van Media24 en Naspers het kom help – soos die gesegde lui: Vele hande, ligte werk!
Sarepta Senior Sekondêr het onlangs deel geword van Media24 se OnsKan24-netwerk, ’n innoverende opvoedkundige projek wat leerders by deelnemende skole oor die hele land leer hoe hulle multimedia-joernaliste kan word. Dis die digitale weergawe van die destydse nasionale skoolkoerantprojek, en enigiemand kan deel word*.
Danksy dié program leer kinders die kuns van berigte skryf, onderhoude voer, stemopnames doen en foto’s en video’s neem – wie weet, eendag skryf een van hulle dalk nog vir Tuis, of maak hulle ’n video vir ons Tuis-mobi!
Danksy ’n borgskap van Naspers, Media24 se moedermaatskappy, spog die skool se medialokaal nou met rekenaars, tablette, selfie-stokke, ’n kamera en drukker. En met ’n leksel Dirty Hands-verf van Tuis, is die medialokaal – en kombuis – nou mooier as ooit.
Tydens die amptelike opening het die Tuis-span foto’s gaan neem van die nuut geverfde kombuis, en gaste kon toekyk hoe ons kosredakteur en fotograaf die foto’s stileer.
Mooi was nog nooit lelik nie.