Ougoed of hougoed?
Anton Welz, afslaer by Stephan Welz & Co., antwoord 81
E-pos hougoed@tuis.co.za
Dit kom van ver af
Lindsay Salthouse van Johannesburg skryf Hierdie kabinet was ’n erfstuk. My oumagrootjie het dit glo in die laat 1890’s via Engeland uit Indië na Suid-Afrika gebring.
Jou kabinet is van Anglo-Indiese oorsprong, definitief uit die 19dee eeu. Dit is moeilik om met sekerheid te sê van watter hout dit gemaak is, maar dis heel moontlik rooshout of padouk, wat algemeen vir meubels gebruik is. Anglo-Indiese meubels is tussen 1858 en 1947 vervaardig en het invloede van Indies-Europese ontwerp in die vervaardiging. Dit is dikwels gemaak vir koloniale administratiewe personeel of aristokratiese Indiërs. Dis ’n gesogte versamelstuk.
Circa 1858 tot 1900 Tussen R6 000 en R9 000 op ’n veiling
Lekker ou Jan
Anja Thiart van Dwarskersbos in die Wes-Kaap skryf
Die bord is deur Wedgwood Etruria vervaardig ter viering van die derde eeufees van Jan van Riebeek se aankoms in die Kaap. Gedenkborde soos hierdie een is sedert die 1940’s vervaardig en die kunstenaars by die Wedgwood School of Engraving het die oordragwerk ontwerp en met die hand aangebring. Die bord het ook die tekens “Sponsored & Supplied by McLaren, Campbell & Co. Johannesburg, South Africa”.
Circa 1940’s R80–R100 op ’n veiling >>
Pinkie in die lug
Maité Baverey van Tulbagh skryf
Hoewel die kroon een van die ontwerpe is wat die meeste deur porseleinfabrieke gebruik is, is die versierstyl op jou koppie en piering tipies van dié wat in Wene, Oostenryk vervaardig is. Die motiewe is gewoonlik deur oordragdrukwerk aangebring en beeld verliefde paartjies uit die agttiende eeu uit.
Die porseleinstukke is dikwels deur die kunstenaar “onderteken”, maar by nadere ondersoek is dit duidelik dat die handtekening ook met oordragdrukwerk aangebring is en dus nie oorspronklik is nie.
Onseker swelco.co.za >> Minder as R100 op ’n veiling