Plante vir ’n lentetuin
Om jou tuin ’n lentegevoel te gee, maak soos Mavis en plant struike en bloeiselbome. Sommige begin sommer vroeg in die seisoen al blom. Hier is ’n paar staatmakers (kyk ook by “Nou is dit lente” op bl. 86 vir nog inligting oor die plante gemerk in pienk): Bloeiselbome • Japanse blomappel (Malus-spesies soos M. floribunda) • Blomperske (Prunus persica) • Persblaarkersiepruim (Prunus cerasifera ‘Nigra’) • Blomkersie (Prunus serrulata) • Enige vrugteboom soos pruim, perske of peer Struike • Azalea-spesies vir ’n massa blomme in ’n groot verskeidenheid kleure • Kaapse mei (Spiraea cantoniensis ‘Flore Pleno’) • Bruidsruiker (Deutzia-spesies) • Blomkweper (Chaenomeles speciosa)
• Prunus glandulosa • Gewone sneeubal (Viburnum opulus ‘Sterile’) • Boerejasmyn (Philadelphus coronarius) • Verbleikblom (Brunfelsia pauciflora ‘Floribunda’) • Aasbossie (Coleonema album) • Weigelia florida Klimplante • Bloureën (Wisteria sinensis) • Clematis montana • Chinese jasmyn (Jasminum polyanthum) • Sterjasmyn (Trachelospermum jasminoides) • Perskransie (Petrea volubilis) • Banksiaroos (Rosa banksiae) • Rosa laevigata Bo, van links: Die Kaapse mei
‘Flore Pleno’); verskillende teksture en skakerings van groen skep visuele interessantheid; Links bo: Japanse blomappel Links: Die dammetjie aan die onderpunt van die tuin is in die vroeë lente oortrek van waterblommetjies – tipies van die Boland.