Die oplossing...
84
Die belangrikste
• Glybestande vloere is noodsaaklik; ’n mosaïekvloer is nie die veiligste opsie nie omdat dit glad kan wees. Oorweeg rubbervloere vir die hele ruimte – dit is water- en glybestand. Vermy badmatjies omdat dit die rolstoel se beweging kan belemmer. • Handrelings in 304-graad- vlekvrye staal is ideaal. Dit sal nie roes of afdop nie en sal die vertrek sommer ook ’n tikkie elegansie gee. • Alles van die handdoekrelings tot bêre-eenhede moet laer as gewoonlik wees, nie meer as 1 200 mm van die vloer af nie. Dis ook belangrik dat dit nie beweging belemmer nie. • ’n Stortsitplek aan ’n muur (sodat dit nie kan omval nie) is ’n moet. Daar moet ook ’n verstelbare handstort wees. • Die stortmure moenie toegang met ’n rolstoel belemmer nie. As die ruimte te klein is, moet liefs nie stortmure installeer nie. • Installeer ’n outomatiese seephouer by die wasbak en stort. • ’n Alarmknoppie in die stort sal jou gemoedsrus gee.
Druk jou stylstempel af
• Pleks van ’n mosaïekvloer, oorweeg patrone teen die mure, warm verfkleure en tekstuurafwerkings vir trefkrag. Of hou die agtergrond neutraal en bring kleur in met bykomstighede. • Vir veiligheid en styl moet jy die badkamer so netjies moontlik hou; maak seker daar is geen struikelblokke in die vorm van klein bankies, trappies of bykomstighede op die vloer nie. • Hang stortgordyne wat maklik skuif en nie te na aan die grond hang nie. • ’n Raamlose glasstort sal die vertrek ruim en lig laat voel.
Skewe amandelboom
Siddika Malki van Pretoria skryf
Indien die boom nog jonk is, gebruik ’n tou en anker en trek dit versigtig regop. Jy sal dit waarskynlik met verdrag moet doen om skade aan die boom te voorkom.
As dit nie moontlik is nie, snoei die boom meer aan die skewe kant en moedig só nuwe groei na die ander kant aan.