Die afwerking
Alles gebeur om ’n rede, is hierdie vernuftige paartjie se lewensfilosofie.
Aluminium-skuifdeur Build It (031 719 1759, buildit.co.za) Vloer Gelamineerde planke uit die Traviata Sierra Madre Oak-reeks van Waltons Carpets (033 386 8230, topcarpets.co.za) Mure Behandel met Dekade Paints Surface Conditioner gevolg deur Gold Label se Mayan Stone (033 386 9357, dekadepaints.co.za) Dakbalke en laaghoutplafon White Ceiling PVA van Dekade Paints Kaggel Jetmaster (grootte 700; net die binneste voering) gekoop by Marksman (033 342 4675, marksman.co.za) Meubels Kelwood Furnishings (081 270 2788) Bykomstighede Berncliffe Fine Furniture (033 330 3852, berncliffe.co.za) is moeilik om te glo die Kelmans se TV-kamer was voorheen ’n donker stoep. Maar nadat dié paartjie die blink idee gekry het om die dakkappe te ontbloot, is dit deesdae ’n oop, ruim bymekaarkomplek wat die hele gesin geniet.
“Maande lange mure afbreek, afvlak, pleister, verf, herstel en vloere lê het dié ruimte omskep in ons pragtige TV-kamer – net betyds vir lekker winteraande voor die kaggel,” sê Cheryl.
Die Kelmans besit ’n meubelmaatskappy, Kelwood Furnishings, en die handige Mark was beslis die regte man vir die projek. Nadat hy die plafonborde uitgehaal het, het hy die dak met Isotherm geïsoleer. Om geld te bespaar het hy ’n skuins plafon van laaghout onder die boonste dakkappe vasgesit en dit toe netjies wit geverf.
’n Bestaande muur is uitgebreek en herbou om die vertrek effens te vergroot. Die bakstene is ontbloot gelaat sodat dit ’n fokusmuur vorm saam met die kaggel, spieëls en afgevlakte sementblaaie, wat Mark self ingebou het.
Hy gee toe dat hy nie kan stilsit nie, en dis daarom geen wonder dat hy ook al die elektriese werk met die hulp van ’n vriend wat ’n gekwalifiseerde elektrisiën is, aangepak het nie.
As mede-eienaar van ’n meubelfabriek en iemand wat al eiehandig ’n troon vir die huidige Zoeloekoning Goodwill Zwelithini gebou het, was hy ook baie betrokke by die binneversiering; die meeste van die meubels, insluitend die metaal-enhoutrakke (eikehout, herwinde Oregondennehout en Sweedse rooihout), koffietafel, dientafel, spieëlrame, kandelaber en lampkappe, is deur Kelwood Furnishings gemaak.