[ELEKTRISITEIT]
Elektrisiteit bly die maklikste manier om jou huis te verhit, maar die groot verskeidenheid produkte in alle prysklasse kan oorweldigend wees. En noudat energiebesparing so ’n belangrike oorweging is, is dit nie ’n eenvoudige keuse nie. Hier is ’n paar op
OLIEVERWARMERS is doeltreffend, veilig en geskik vir die meeste leefareas. Dit kom in verskillende groottes en werk so te sê geluidloos. Sekere gebruikers kla wel van ’n reuk wat in die vertrek hang, en dit gebruik taamlik baie elektrisiteit.
KOSTE R650–R1 900
PANEELVERWARMERS word gewoonlik teen ’n muur gemonteer en kan maklik geverf word om met sy omgewing saam te smelt. Dis ook beskikbaar in glas vir ’n meer kontemporêre voorkoms. Dié panele gebruik omtrent ’n vyfde soveel elektrisiteit as ’n olieverwarmer, wat dit baie meer ekonomies maak. Maar onthou, paneelverwarmers verhit nie regtig ’n hele vertrek nie; dis meer geskik om net die ergste koue uit ’n vertrek te verdryf.
KOSTE R500 – R1 399
LUGVERSORGING kan ’n wonderlike manier wees om jou huis warm te maak, veral as dit ’n wisselrigter-hittepomp het, wat energie bespaar. Trouens, dit kan drie keer so doeltreffend soos ’n gewone elektriese verwarmer wees. Hierdie “ekovriendelike” lugversorgers kom gewoonlik teen ’n stewige prys.
KOSTE Sowat R13 000 per eenheid
INFRAROOI-VERWARMERS straal hitte uit wat soortgelyk is aan die son se strale. Dit werk goed vir iemand wat direk voor die verwarmer sit, maar namate jy verder wegbeweeg, sal jy agterkom dit is nie so doeltreffend nie. Dis ook duurder as die meeste verwarmers.
KOSTE R2 400–R5 000 WAAIERVERWARMERS is bekostigbaar en kan ’n vertrek redelik vinnig verhit. Die waaier maak net meer geraas as ander soorte verwarmers. KOSTE R200–R750