Ougoed of hougoed

Witwarm erfstuk

Michelle Janse van Rensburg van Vaaloewer skryf Ons stoof, met die datummerk 1938, is in ’n goeie toestand; hoeveel sou dit werd wees?

Inge Beck van Ashbey’s Galleries antwoord Dis ’n vintageelektriese stoof van Detroit, Michigan. Detroit was lank gelede die wêreld se “stoof-hoofstad” en die Michigan Stove Company het in 1893 die heel eerste elektriese stoof by die Chicago Exposition ten toon gestel.

OUDERDOM 20ste eeu WAARDE R2 000–R4 000

Aan die brand

Judi Muller van Alberton skryf Ek het hierdie brandblusser sowat 40 jaar gelede gekry; het dit enige waarde?

Inge Beck antwoord Jou brandblusser is ’n vintage-model deur Boyd; dis gemaak van geelkoper en rooikoper en is uiters gesog onder brandbestryders en versamelaars.

Met ou brandblussers is daar veiligheidsrisiko’s betrokke, want dit kan een of ’n mengsel van tot 100 verskillende soorte chemikalieë bevat. Dis verbode om brandblussers te verkoop wat die uiters giftige chemikalie tetrachloried bevat. OUDERDOM 20ste eeu WAARDE R3 000–R5 000 KONTAK ashbeysgalleries.co.za LW: Dié brandblussers dra nie meer SABS-goedkeuring nie; dit kan nie gediens word nie, maar kan wel onskadelik gemaak word. Besoek East Rand Fire Extinguisher Service & Sales (011 975 6224), Dumela Diamond Fire (fireservice.co.za) of Combat Fire (combatfire.co.za).