Kry jou kultuur inspuiting byeen van dié plaaslike kunsfees te!
29 Junie–9 Julie: Nasionale Kunstefees, Grahamstad Of jy belangstel in komedie, teater, jazz of ballet, daar is iets vir almal in Grahamstad by die grootste jaarlikse viering van die kunste in Afrika. Koop kaartjies aanlyn by nationalartsfestival.co.za. 30 Junie–21 Julie: Plett ARTS Festival, Plettenbergbaai Verkyk jou aan die pragtige omgewing en verdiep jou in musiek, drama, komedie, kunsuitstallings en bekroonde
flieks. Besoek plett-tourism.co.za vir besonderhede. 5–8 Julie: Innibos Laeveld Nasionale Kunstefees Met meer as 300 kunstenaars, akteurs en musikante, asook ’n gratis teater, fliekteater en honderde handwerk stalletjies, kan jy hope pret verwag. Kaartjies is beskikbaar by innibos.co.za of Computicket. Skakel 013 741 5294. Saamgestel deur Shané Barnard Stuur dagboeknuus minstens drie maande vooruit na dagboek@tuis.co.za.
29 Junie–8 Julie: Besoek die AVA-galery in Kaapstad vir ’n uitstalling deur 55 streeksfinaliste in die jaarlikse PPC Imaginarium Awards. Vir dié pryse skep ontluikende kunstenaars en ontwerpers werke met Portland-sement. Toegang is gratis. Skakel 021 685 0169.
1: Besoek die I heartmark by die Moses Mabhida-stadion in
Durban op die eerste Saterdag van elke maand vir tuisgemaakte kos, mode-artikels, huisware en kuns. Stuur e-pos na info@iheartmkt.com. Foto Justin Bennewith 2, 9, 16, 23, 30: Moenie die Jazz and Cheese Fondues by Delheim se intieme wynkelder op Stellenbosch (van 25 Junie tot 27 Augustus) misloop nie. Geniet heerlike Switsersestyl-kaas en luister na plaaslike kunstenaars. Besoek delheim.com. 7–16: Die Pick n Pay Knysna Oesterfees het ’n program vir die hele gesin, asook gourmetkos en sport – en moenie die oesters vergeet nie! Meer inligting by oysterfestival.co.za. 13–16: Rooster jou eie koffie en geniet dit saam met sjokolade by die Cocoa Mokka Music Lounge tydens die Coffee and Chocolate Expo by Montecasino, Johannesburg. Koop jou kaartjies vooraf vir R120, of by die deur vir R150. Besoek coffeechoc.co.za. 17: Augustus-Tuis is nou te koop! 18: Brei ’n serp, help uit by ’n welsynsorganisasie... Doen wat jy kan vir Mandeladag! 21–30: Verdryf die koue by die Hogsbackwinterfees! Daar’s van kookdemonstrasies tot kos-en-wynparings, handwerkmarkte en praatjies oor alles en nog wat. Gaan loer by hogsbackinfo.co.za vir nog inligting. 29: Geniet wyne in die Kaapse Port-styl langs ’n kaggel by die Flavours of Winter-fees op die geskiedkundige Muratielandgoed, Stellenbosch. Kaartjies teen R100 sluit ’n proeglas in. Skakel 021 865 2330 of stuur e-pos na taste@muratie.co.za.