Vlooie en winterbloutes
Jenny Mason van Durban skryf Is dit nodig om vlooiprodukte in die kouer maande te gebruik? My worshonde krap omtrent nooit in die winter nie, maar ons gaan stap nog gereeld in die park. Enige raad?
Dr. Lauren Geraty van Merial South Africa, wat in dieregesondheid spesialiseer, antwoord
Anders as wat baie mense dink, gaan vlooie nie in ’n winterslaap nie, maar kom van die ergste vlooi-infestasies juis nou voor wanneer eienaars vlooi- en bosluisbeheer staak. Die winter met sy laer temperature is eintlik die ideale tyd om ’n voorsprong te kry in die stryd teen vlooie. Hou die volgende in gedagte: 1 Die wintermaande kan dalk verligting bring vir jou diere se gejeuk, maar dit beteken nie hulle het nie vlooie nie. As jy in die lente eers weer begin behandel teen vlooie, sal jy 3 tot 4 maande agter wees. Behandel maandeliks deur die jaar om te keer dat dit gebeur. 2 Behandelings elke 12–14 weke is nie voldoende om vlooie deur hul hele lewensiklus weg te hou nie. Volwasse vlooie maak net 5% van die totale bevolking uit; die ander 95% is eiers, larwes en papies. Vra jou veearts om ’n produk aan te beveel wat vlooie in alle stadiums van hul lewensiklus doodmaak. 3 Hoewel dit belangrik is dat jy jou huis skoon hou deur gereeld te stofsuig en te spuit teen vlooie, is dit nie genoeg nie. Jy moet jou diere self elke maand behandel, anders sal vlooie op hulle voed, eiers lê en vermeerder.
SOORT PRODUKTE
Aanwend-produkte Drupbehandelings word een maal per maand aangewend. Daarna bly die aktiewe bestanddele in die vel se oliekliere en word dit stadig deur die maand op die velen haaroppervlak vrygestel om jou troeteldier te beskerm. Dit dood volwasse vlooie, larwes en eiers, asook enige vlooie of bosluise wat met jou troeteldier in aanraking kom. Sodra die behandeling aangewend en droog is, kan jou troeteldier weer swem of gebad word.
Koutablette Indien jou hond gedurig lek, lief is vir die buitelug of gereeld in die water speel, sal ’n koutablet ’n geriefliker opsie wees. Vir beskerming teen vlooie sowel as bosluise, kies ’n produk soos Nexgard, ’n koutablet met groente as basis wat een keer per maand toegedien word. Dit is bekostigbaar en troeteldiere aanvaar dit maklik.
KONTAK frontlineplus.co.za of nexgardfordogs.com