Ontmoet die top-10 in ons 2017-Regruk met Flair-kompetisie
Ons Regruk met Flair-kompetisiehet vanjaar ’n horde opwindende inskrywings gelok.
Die Tuis-span sien altyd uit na dié tyd van die jaar wanneer die inskrywings in ons jaarlikse Regruk met Flair-kompetisie beoordeel word. Ons wag in spanning vir die sluitingsdatum, want ons wil sien wat lesers alles gedoen het.
En ons lesers het weer eens gewys wat in hulle steek! Wonderlike stories, vernuftige planne en, natuurlik, die mooiste leefruimtes, van hele huise tot net een vertrek.
Ons het versigtig deur die inskrywings gesif om die semi-finaliste te kies, en die finale keuse het weer ’n uitgerekte debat tot gevolg gehad – daar kon immers net 10 wees!
Vanjaar se reëls het bepaal dat die huiseienaar minstens 50% van die werk self moes gedoen het. Ons het elke begroting deeglik nagegaan en een ding is seker: ons top-10 weet hoe om hul rande te rek!
STEM & WEN
Soos verlede jaar het Tuis-lesers ook ’n sê in wie uiteindelik tot die top-5 deurdring – die inskrywing wat die meeste stemme kry, is verseker van ’n plek in die top-5. En die beste van als? Daar’s weer pryse op die spel vir almal wat ’n aanlynstem uitbring. So maak jy: 1 Gaan na fixit.tuis.co.za. Klik op “Top 10”. 2 Kies jou gunsteling, klik op die “Vote Now”-blokkie, en vul jou e-posadres in. Klik “submit”.
3 Die stemming is oop van 12:00 op Maandag, 14 Augustus tot 12:00 op Vrydag, 1 September.