Die perfekte wegbreekplek in ’n weeelderig ingerigte vraghouer

Dié stylvolle – en ekovriendelike – kothuis is ’n rustige wegbreekplek buite die dorpie Botrivier.

Toe hy afkom op ’n foto van ’n gebruikte vraghouer wat iemand oorsee in ’n leefruimte omskep het, het die idee hom geprikkel – en sy hande het begin jeuk!

“Ek het geheel en al ’n obsessie ontwikkel oor omgeboude vraghouers en die eindelose moontlikhede wat dit bied,” sê Lucas.

Dit was drie jaar gelede. Sedertdien het vraghouer-huise al hoe gewilder geword, veral danksy die bekostigbaarheid en volhoubaarheid van sulke omskakelings. Vraghouers word deesdae nie net vir terreinkantore op boupersele gebruik nie, dit kan ook stylvolle, moderne wonings wees.

Ná heelwat navorsing en beplanning, het Lucas in 2015 die hulp van die volhoubare behuising firma Berman-Kalil ingeroep om die eenheid op sy familieplaas naby Botrivier op te rig. Hy het terstond die nagklub wat hy besit het, verkoop en verhuur nou dié afgesonderde wegbreekplek met sy prentjiemooi uitsig op die dorpie, vallei en rivier.

[KOMBUIS]

In die kombuis het Lucas koste bespaar met bekostigbare melamienkaste en -werkblaaie. Die kaste is geverf met oorskietverf van die dek en buitemure. Vraghouers se vloere is dikwels ongelyk; Lucas het syne met hardebord bedek en toe gelamineerde vinielteëls bo-oor gelê. >> Broodblik van Home etc.; skinkbord van MRP Home; glasvaas, blomme, loof en deken van Woolworths; beker van @home; tafel en stoele van Chair Crazy

Wie woon hier? Lucas Steyn WAAR Botrivier GROOTTE 60 m²

Stapeldeure wat 5 m wyd opmaak omraam die asemrowende uitsig op die plase in die vallei, die Botrivier en Houwhoek-bergreeks. Lucas het ’n minimalistiese dekorstyl gekies: “Alles moes in een oop plan wees, want dis so ’n klein ruimte.” Binnemure geverf...

SLIM PLAN] Deur een 12 m lange vraghouer te hergebruik (Lucas se huis bestaan uit twee) word sowat 4 000 kg staal herwin – g’n wonder dis so gewild onder ekobewuste huiseienaars nie. Vraghouers is maklik bekombaar deur spesialis-verskaffers soos...

[BADKAMER] Lucas het besluit op koperpype saam met vlekvrye staal en chroom – dis bekostigbaar en pas by die badkamer se voorkoms.

[SLAAPKAMER] In die slaapkamer dien onbehandelde bloekomstompe as bedtafeltjies. Klein kussing en deken van MRP Home; voëlkussing, skoene, hoed en serp van Woolworths

Blink idee! Spieël van MRP Home Die wasbak rus in die mik van ’n boomtak wat Lucas in ’n droë rivierloop gekry het en met ’n houtseëlaar bedek het; weens die wasbak se vorm is die krane teen die muur gemonteer. “Ek is dol oor die voorkoms; dit was...