Kos & drank vir die siel
Dis Erfenismaand – tyd om ons onmiskenbare plaaslike geure te vier!
DEUR DIE BLARE
Ons het dié pragtige Mint-keramiekware deur Thia de Vos by vanjaar se KAMERS/Makers in die Kasteel die Goeie Hoop in Kaapstad raakgesien (dié mediumgroot bord kos R165); kry nog pragkopies by mintcreatinghome.co.za.
Johanne 14 (R275, Quivertree) deur die kosskrywer Hope Malau is ’n fantastiese toevoeging tot jou resepteboekversameling. Die tradisionele resepte is met soveel liefde gemaak, dit voel of die kos van die bladsye af wil spring! Die boek gee ’n blik op die township-lewe en is ’n viering van kultuur, lewenskrag, samesyn en familie – alles rondom die kostafel, natuurlik. Die resepte wissel van ou gunstelinge soos melktert, “crunchies” en chakalaka tot spesiale skeppings soos beeslewer met potbrood en wat jy alles met ’n varkkop kan maak. Toe, probeer gerus iets nuuts! Uit die see A Mari Ocean Gin (R450, cybercellar.com) is gedistilleer met seewater uit die Atlantiese Oseaan. Die rede? Die minerale in die water help om die olies uit die Kaapse kusfynbos waarvan die jenewer gemaak word, te onttrek – dit gee aan die drankie ’n besonder komplekse geur en gladheid. Die neus het ’n varsheid eie aan sitrus, wat op die palet herhaal word met geure van nartjie en suurlemoen. SKERP KALANT!
Skerpmaker vir wortellinte sny R149,95, pylones.co.za
Soete bederf!
Simonsig is welbekend vir hul Kaapse Vonkel MCC, en nou is die vrugtige semisoet Simonsig Kaapse Vonkel Demi-Sec (R135, simonsig.co.za) ook deel van die reeks. Ons kan nie wag om dit te proe nie!
GESONDE DRANKIE Sit ’n huppel in jou stap met die Cold Pressed Charcoal Shot (R15,95, woolworths.co.za), ’n sapmengsel met suiwer appel, suurlemoen en gemmer. Lekker, man!