Massering vir jou troeteldier

Ek het al gehoor dat masserings voordelig is vir troeteldiere wat stramheid en angs ervaar. Waaroor gaan dit en hoe werk dit?

Lorren Barham, eienaar en diere-hidroterapeut by Pet Wellness Worx, antwoord

Troeteldier massering s klink dalk na’ n vreemde idee, maar dis van groot hulp vir werkende honde wat herstel van beserings of operasies. In ons praktyk gebruik ons mediese Tui Na-massering, ’n komplementêre terapie wat ’n positiewe invloed op die liggaamlike en sielkundige welstand van jou troeteldier het.

Van die voordele sluit in:

• verbeterde bindweefsel en beweeglikheid in gewrigte; • groter soepelheid;

• dit help spierspanning en spierpyn verlig;

• dit kan swelling en littekenweefsel help verminder en die herstelproses aanhelp;

• verlig spierspasmas en -pyn;

• warm spiere op voor oefening;

• reguleer hartklop en asemhaling, wat help met ontspanning, bloedsomloop en limfdreinering.

Tui Na-massering word nie tot werkende honde beperk nie; as jy ja antwoord op enige van die volgende vrae, kan jou troetelhond baat vind by ’n massering:

• Is jou hond hiperaktief?

• Toon hy gedragsprobleme?

• Is hy angstig of ly hy aan stres?

• Is hy bejaard en loop hy swaar?

•Het hy beweeglikheid s probleme?

• Herstel jou hond van ’n siekte of besering?

• Ly hy aan spier-skelet-probleme?

• Is hy onlangs geopereer?

• Is hy van ’n groot ras?

Behandelings duur gewoonlik 15–30 minute, afhangend van jou troeteldier se behoeftes. Al is ’n verwysing van jou gereelde veearts voordelig, is dit nie nodig nie.

Ma se mooiste blom Jacky lyk heel tuis tussen die jakobregops. – Saronja Swanepoel, Vryburg

Proefkonyn Sally is ’n ware smulpaap wat vir niks nee dankie sê nie! – Hendrik O’Neil, Kroonstad