Die gesin eet Volstruis-frikkadelle
in growwe tamatiesmoor Genoeg vir 4–6 mense
BESTANDDELE Vir die frikkadelle
• 15ml olyfolie • 1 rooi ui, gekap • 1 knoffelhuisie, fyngedruk • 500g volstruismaalvleis • 1 bossie vars pietersielie, gekap • 5ml gemengde speserye • 5ml gedoogde rissie • 50g broodkrummels • 1 eier • 2ml sout
Vir die tamatiesmoor
• 15ml olyfolie • 2 wortels, in skywe gesny • 1 prei, in skywe gesny • 1 knoffelhuisie, fyngekap • 5ml gedroogde rissie • 2 blikke (340g) tamaties • 30ml tamatiepasta • 1 blik (340g) kekerertjies • 250ml beesvleis-aftreksel • 5ml sout • 2 takkies ranktamaties • 80g parmesaankaas, gerasper • vars pietersielie, gekap
METODE Begin met die frikkadelle
1 Braai die ui in die olyfolie tot sag en deurskynend, voeg die knoffel by, braai verder en verwyder van die hitte. 2 Sit die maalvleis, gaar uie en knoffel in ’n bak saam met die pietersielie, gemengde speserye, rissie, broodkrummels, eier en sout. Meng deur met jou hande en vorm dan balletjies. 3 Sit die frikkadelle op ’n voorbereide bakplaat en verkoel vir 30 minute. 4 Oondbraai die frikkadelle tot bruin maar nog nie gaar nie.
Maak die sous 1 Braai die wortel, prei en knoffel in die olyfolie tot sag. Roer die rissie, tamaties, tamatiepasta en kekerertjies by. Voeg die aftreksel by en laat kook tot dit ingedamp en verdik is. 2 Sit die frikkadelle en ranktamaties in die sous. Kook vir nog 10 minute tot die frikkadelle gaar is. 3 Sprinkel die parmesaankaas en pietersielie oor en sit voor saam met heerlike kapok-broccoli.