Ontbeende lamsnek met kruie en suurlemoen
Karusaf, verskaffers van gesertifiseerde Karoo-vleis, het vir ons dié heerlike lamsnek heelpad uit Williston in die Noord-Kaap gestuur. Ek kon dit eenvoudig nie weerstaan om die vleis met suurlemoen en koljander gaar te maak nie. Die kantoor het gesmul!
Genoeg vir 4 Bereidingstyd: 15 minute Gaarmaaktyd: 2 uur Oondtemperatuur: 160°C
• 800g ontbeende lamsnek • 15ml olyfolie • 125ml flou groenteaftreksel • sap van 1 suurlemoen
VULSEL
• 3 takkies origanum • 12 vars mentblare • 45ml platblaarpietersielie • 4 vars dadels, ontpit en gekap • 2 knoffelhuisies, fyngekap • 15ml suurlemoenskil • 15ml elk fyn koljander en komyn • 15ml heuning • sowat 120ml vars broodkrummels, in die oond gedroog
1 Maak die vulsel Stroop die groen kruie van enige growwe takkies en kap fyn. Meng met die res van die vulselbestanddele.
2 Vlek die vleis, vetkant na onder, oop en geur oraloor goed met sout en peper. Skep die vulsel bo-op die lam en rol op met die vetkant na buite. Bind vas met kombuistou in ’n netjiese rol.
3 Voorverhit die oond. Verhit die olie in ’n vuurvaste oondbak met ’n deksel en braai die lam tot mooi bruin oraloor. Giet die aftreksel, suurlemoensap en sommer ’n paar suurlemoenblare ook oor, sit die deksel op en bak in die oond vir 2 uur of tot smeltsag. Laat rus die vleis vir 20 minute voor jy dit opsny. Drup die pansappe oor die gesnyde vleis en sit voor met bulgurslaai en ’n sprinkel granaatpitte.
Bulgurslaai
Bulgurkoring is ’n lieflike geriefsproduk omdat dit reeds halfgaar is en blitsvinnig gereed kan wees. Dit is heerlik in al wat ’n slaai is om die slaaisous op te slurp. In die Libanese kookkuns is dit veral bekend as ’n bestanddeel in taboeli (tabbouleh), ’n pietersielie slaai wat met suurlemoen gegeur word.
Kook of week 250ml bulgurkoring volgens die aanwysings op die pakkie.
Kap nou 3 sprietuie, 6 radyse, 250ml plat blaar pietersielie ,125 ml krulblaar pietersielie
en sowat 30 ml vars mentblare lekker fyn. Skil’ n komkommer, ontpit en sny in blokkies. Kies ’n verskeidenheid ryp tamaties (sowat 300 g) en sny in blokkies of skyfies. Dit gee aan die slaai tekstuur en die mooiste kleur. Meng al die bestanddele deur die koring en geur na smaak met sout en varsgemaalde swartpeper.
Nou vir die geurmiddels Klits sowat 5ml gerasperde suurlemoenskil, 30 ml suurlemoensap en 125ml goeie olyfolie
saam met ’n knippie fyn wonderpeper en komyn, en meng deur die slaai. Laat staan
vir sowat 1 uur en proe weer vir sout, peper en suurlemoen net voor opdiening.
KAASKOEKVULSEL
• 250ml room • 105g (125ml) strooisuiker • 2 x 230g roomkaas • 15ml vars suurlemoensap • gerasperde skil van 1 suurlemoen
1 Voorverhit die oond. Klits die eierwitte en suurlemoensap vir die meringue-lae saam tot sagte punte vorm. Klits die suiker lepel vir lepel by tot goed gemeng en glansend. Vou die meel en neute versigtig by. Verdeel die mengsel tussen drie velle bakpapier en smeer rofweg in ewe groot sirkels met ’n deursnee van 23 cm elk (trek met pen gidslyne agterop die bakpapier as jy wil). Bak vir 1 uur en laat in die oond afkoel. 2 Klits die eiergele en suiker vir die suurlemoensmeer saam in ’n mikrogolfveilige mengbak tot goed gemeng. Klits nou ook die suurlemoensap, -skil en botter by tot goed gemeng. Mikrogolf vir 1 minuut op ’n slag en klits goed ná elke minuut tot die mengsel dik en glad is. Dit neem sowat 6–10 minute, afhangend van jou mikrogolfoond. Skep in ’n skoon fles en laat afkoel. Die mengsel kan tot twee weke lank in die yskas hou. 3 Wanneer jy reg is om die koek saam te stel, klits die room en strooisuiker vir die vulsel saam tot styf. Klits die roomkaas en suurlemoensap tot net gemeng en vou die room daarby in. As die kaas te styf is, spring in met die klitser maar probeer om nie te veel te meng nie. 4 Smeer nou ’n dik laag van die kaaskoekvulsel op elke meringue-laag, gevolg deur ’n goeie skep suurlemoensmeer. Trek ’n lepel deur die twee lae vir ’n marmer-effek. Pak die lae op mekaar en versier bo-op met mentblare, bessies en grenadellapulp (jy kan hier en daar tussen die lae ook bessies en mentblare insit as jy wil). Laat staan vir sowat 30 minute voor jy weglê.
Suurlemoenkoek met olyfolie en ricotta
Dié klam koek is onverbeterlik in sy eenvoud en die dun lagie glansversiersel rond dit perfek af.
Maak ’n 23cm-koek Bereidingstyd: 35 minute Baktyd: 50 minute–1 uur Oondtemperatuur: 180°C
• 4 ekstragroot eiers, geskei • 150g (180ml) ligbruinsuiker • 15ml gerasperde suurlemoenskil • 250ml ricottakaas, gekrummel • 150ml olyfolie (jy kan ook kanola-olie gebruik) • 100ml suurlemoensap • 100ml gesmelte botter • 210g (375ml) bruismeel, gesif • knippie sout
VERSIERSEL
• sowat 30ml vars suurlemoensap • 250ml versiersuiker, gesif
1 Voorverhit die oond. Voer ’n losboomkoekpan met bakpapier uit en spuit met kleefwerende sproei. 2 Klits die eiergele, suiker en suurlemoenskil saam tot baie lig van kleur. Hou eenkant. Klits die ricotta, olie, suurlemoensap en botter saam tot goed gemeng en voeg dit by die eiergeelmengsel in, gevolg deur die meel. Klits die eierwitte styf en vou dit laaste by die beslag in. Skep in die voorbereide pan en bak in die middel van die oond vir 50 minute of tot ’n toetspen skoon uitkom. Laat op ’n draadrakkie afkoel. 2 Keer die koek uit op ’n mooi bord en maak die versiersel deur geleidelik die suurlemoensap by die versiersuiker te meng tot dit dik en glansend is. Giet oor die afgekoelde koek en gee dit ’n paar minute kans om te stol voor jy die koek sny. >>
Koek wat suurlemoen of amandel bevat, is ook heerlik as nagereg. ’n Groot sny dieporanje suurlemoenkoek is alte mooi langs ’n paar pere in stroop ... hoewel ek twyfel of die koek dit nodig het.
– Nigel Slater, Britse kosskrywer