November-flitse
31 Oktober–5 November: KAMERS/Makers by die Anura-landgoed in Stellenbosch se wynland bied ’n verskeidenheid gehalteprodukte deur plaaslike kreatiewe geeste. Sien kamersvol.com. 3–4: Kry ’n smakie van die Beierse lewe by die Bierfest in Kaapstad. Stuur e-pos na info@bierfest.co.za of skakel 021 824 3132 vir inligting. 4: Besoek Winterton se Innistraat-fees (in Springfieldstraat) vir kuns, handgemaakte goedere en musiek. Skakel 082 548 9910. 5: Vind meer uit oor al die opsies vir ’n groen leefstyl by die Green Faire in Houtbaai. Kry nog inligting by greenfaire.org.za. 8–10: Besoek die jaarlikse Whisky Live Festival in Sandton vir whiskies uit streke wat bekend is vir dié goue drankie. Kry kaartjies, vanaf R160, by ticketpros.co.za. 9: Kom proe vanjaar se Veritas-wenners in Durban. Koop kaartjies vir die wyn-, brandewyn- en Qualité-kaasproeë teen R110 by Computicket. Skakel 021 863 1599 of e-pos admin@veritas.co.za. Desember se Tuis op die rakke! 13: 16–18: Die Kersiefees op Ficksburg het ’n verskeidenheid aktiwiteite vir die hele gesin – van kersietoere tot kompetisies, proeë en lewende vermaak. Sien cherryfestival.co.za. 17–19: Stap deur die pragtige dorp Greyton tydens die Greyton Artwalk en besigtig die skeppings van plaaslike en internasionale kunstenaars. Stuur e-pos na greytonartwalk@gmail.com om meer uit te vind. 24–26: By die River Republic-fees buite Swellendam kan jy luister na jou gunstelingmusikante, platejoggies en orkeste. Sien meer en koop kaartjies (vanaf R510) by riverrepublic.co.za.