# 4 Geurtuin
Grootte: 8 x 8m Volson
Wie kan nou ’n lekkerruiktuin weerstaan? Veral as die geure goeie herinneringe bring. • Jy stap Pietman se geurtuin binne met ’n smal paadjie langs wat tussen twee vormgesnoeide lourierbome deur loop. Jy moet letterlik by die bome verbyskuur sodat jy die heerlike geur van die twee aromatiese bome kan ruik. Die paadjie is van klip, met tiemie en polei wat tussen-in groei. Albei dié plante en die roosmaryn wat tot teen die paadjie groei, stel hul geur vry elke keer dat jy daarop trap. • Die paadjie lei na ’n sirkelvormige grasperk van kamille, wat met dieselfde tipe klip as dié van die paadjie omraam word. Aan die oorkant is ’n bank van klip met ’n prieel bo-oor. Die sitplek van die bank is ook met polei beplant. Die prieel word aan drie kante toegerank met ’n kombinasie van jasmyn, kanferfoelie en ’n geurige roos. In die middel van die kamillegrasperk is ’n vuurput. Die reuk van rook in ’n mooi tuin is gesellig. As alternatief vir die vuurput stel Pietman ’n dammetjie voor waarin waterblommetjies en waterlelies met hul soet geur groei. • In die vier hoeke van die tuin is geurbome. • Voorlangs en al met die rand van die kamillegrasperk groei geurblomme wat ook goeie plukblomme is. Dit sal nie net in jou geurtuin lekker ruik nie, maar ook in die huis. Pluk en geniet dit! • ’n Digte struikboskaas van geurige struike omraam die tuin.
PLANTLYS
1 • Laventel Geurblomme (Lavandulaom te intermediapluk ‘Grosso’)• Roosmaryn (Rosmarinus officinalis ‘Prostratus’)• Narsings (Narcissus-hibriede) • arborescens) Tuinheliotrope (Heliotropium • Wildemalva (Pelargonium graveolens) • Salie (Salvia clevelandii) • Sint Josefslelie (Lilium longiflorum) • Kammetjie (Freesia-hibriede) • Rose soos ‘Double Delight’, ‘Ambridge
Rose’ of ‘Duftwolke’ 2 Geurige grondbedekkers • Tiemie (Thymus vulgaris) • Polei (Mentha pulegium) • Kamille (Anthemis nobilis) 3 Vir die digte struikboskaas • Oranjejasmyn (Murraya exotica) • Verbleikblom (Brunfelsia pauciflora ‘Floribunda’) • Bruidsbos (Pavetta lanceolata) • Bergboegoe (Agathosma ciliaris) • Keurtjie (Podalyria calyptrata) • Mexikaanse lemoenbloeisel (Choisya ternata) • Rondeletia (Rondeletia amoena) • Katjiepiering (Gardenia augusta) • Geurige rose wat in die bome opgroei soos ‘Perfumed Breeze’, ‘Gülilah’, ‘Mme Alfred Carrière’ en ‘Wedding Garland’ 4 Lekkerruikbome vir die vier hoeke • Saliehout (Buddleja salviifolia) • Maanblom (Brugmansia x candida) • Frangipani (Plumeria rubra)
• Nartjie (Citrus reticulata) 5 By die ingang • Lourier (Laurus nobilis)