WEN ’n wegbreek in Kaapstad vir jou én jou troeteldier ter waarde van R50 000!
Jy, ’n maat en jou troeteldier kan ’n Kaapse kuier ter waarde van R50 000 losslaan!
Wil jy dolgraag wegbreek, maar kan nie jou geliefde hond by die huis los nie? Ons het goeie nuus! Tuis, in samewerking met The Twelve Apostles Hotel and Spa, Red Dingo, Pet Heaven, British Airways en BidAir Cargo PetLounge wil vir jou, ’n metgesel én jou troeteldier ’n naweek van pure bederf gee. Als pasella!
Red Dingo sal jou dieremaat bederf met R5 000 se bykomstighede soos ’n gerieflike, duursame Donut-bed. Red Dingo is onlangs in Suid-Afrika bekend gestel en voorsien produkte aan troeteldiereienaars wat gehalte en ontwerp vooropstel. Die handelsmerk is duidelik herkenbaar aan die geregistreerde beenvormige gespe aan hul halsbande.
Die vyfster- én dierevriendelike The Twelve Apostles Hotel in Kaapstad is lid van Leading Hotels of the World en trots daarop dat hul gaste én dié se troeteldiere na “persoonlike aandag” kan uitsien. Nie net is die hotel op een van die natuurskoonste roetes ter wêreld geleë nie, hul restaurant spog ook met ’n spesiale spyskaart vir diere!
Terwyl British Airways die tweebeenwenners se vlugte hanteer, sal BidAir Cargo PetLounge jou troeteldier vervoer. Dié diens is begin deur BidAir Cargo in reaksie op troeteldiereienaars, -telers en -verenigings wat ’n behoefte aan gepaste, sorgsame vervoer vir diere tussen plaaslike lughawens geïdentifiseer het.
Dis nie al nie! Jou dieremaat sal in styl vlieg in ’n splinternuwe dramandjie van Pet Heaven, Suid-Afrika se voorste verskaffer van troeteldierkos en -bykomstighede. Hulle bied vinnige, maklike aflewering, puik klantediens en mededingende pryse op gesogte handelsmerke. Danksy gerieflike, gereelde aflewering tot op jou drumpel hoef jy nooit weer ’n tekort te hê aan wat jou troeteldier ook al nodig het nie. Al Red Dingo se produkte word met trots op petheaven.co.za te koop aangebied.
Vir meer oor ons borge, besoek 12apostleshotel.com, reddingo.com, petheaven.co.za, britishairways.com en petlounge.co.za.
DIE PRYS
• ’n Naweek vir twee mense en ’n troeteldier by The Twelve Apostles Hotel and Spa ter waarde van meer as R40 000; • Red Dingo-troeteldierbykomstighede wat ’n Donut-bed ter waarde van R5 000 insluit; • ’n Pet Heaven-dramandjie van R1 400; en • Retoervlugte na Kaapstad vir twee mense geborg deur British Airways; jou troeteldier vlieg op BidAir Cargo PetLounge se koste.
Voorwaardes Troeteldier moet in ’n nr. 8-krat (105cm L x 55cm B x 75cm H) pas. • Troeteldierverblyf is beskikbaar vir honde en katte. • Die prys moet binne ’n jaar benut word. • Onderworpe aan die beskikbaarheid van ’n troeteldiervriendelike suite by The Twelve Apostles Hotel. • Nog voorwaardes en bepalings op bl. 128.