Jou nagte van skape tel is, wel… getel!
Granny Goose, spesialiste in gehalte-beddegoed, het kragte saamgesnoer met die Sportwetenskapinstituut van Suid-Afrika (SSISA). Dié stap kombineer Granny Goose se amper dertig jaar ervaring van die skep van weelderige beddegoed en duvets met ’n hoë draadtelling met SSISA se wetenskaplike insig as baanbrekers in slaapwetenskap.
Gaynor Walkey, stigter van Granny Goose, sê: “Slaap is van die uiterste belang vir ons om as mense te funksioneer, en swak slaapgehalte oor lang tye kan ’n uitwerking op ons gesondheid hê. “Dit is hoekom ons ’n vennootskap aangegaan het met SSISA en hul ‘Dream Team’ van slaapwetenskaplikes onder leiding van dr. Dale Rae, senior navorser in chronobiologie en slaapgesondheid aan die Universiteit van Kaapstad.” Dr. Rae het ’n paar eenvoudige wenke wat jou slaapgehalte kan verbeter:
• Vestig ’n roetine deur elke dag op dieselfde tyd te
gaan slaap en wakker te word. • Moenie saans te laat oefen of eet nie, want dit
verhoog jou liggaam se metaboliese tempo. • Beperk jou kafeïeninname in die laaste deel van die
dag. • Plaas jou foon eenkant en demp die ligte om die vrystelling van die slaaphormoon melatonien te bevorder. • Omskep jou slaapkamer in ’n toevlugsoord. Kies
neutrale kleure en gordyne wat lig uithou. • Stel jouself deur die dag aan natuurlike lig bloot, want dit berei jou liggaam en psige voor om ’n gesonde slaap-wakker-siklus te bevorder.
“Iets so eenvoudig soos om jou huidige slaapbykomstighede te verbeter – soos ’n gemakliker kussing – sal ’n dieper nagrus tot gevolg hê,” sê Gaynor.