Dagboek September-hoogtepunte
31 Augustus – 1 September: Geniet spogkos uit die Kalahari saam met voortreflike wyne by die !Naba Food & Wine Festival op Upington. Kaartjies kos R150 by itickets.co.za. Skakel 082 410 7669 of sien nabafoodandwine.co.za.
1: Smul aan waterblommetjies en geniet besonderse wyn by die Waterblommetjiefees in die Paarl. Toegang is gratis met ’n skenking van blikkieskos. Vir inligting, sien waterblommetjiefees.com.
1–2: Deel in die pret op verskeie wynplase tydens Botrivier se Lentenaweek. ’n Naweekpas by quicket.co.za kos R150. Sien botriverwines.com. 1–2: Kuier by die Sandspruit River Ramble in
Johannesburg, waar inwoners 8 km van die oewer mooigemaak het. Kaartjies kos R30 vir volwassenes en R10 vir honde (dis gratis vir kinders onder 12). Skakel 082 689 0930 of besoek gardensofthegoldencity.co.za.
1–9: Die Street Food Festival ZA in Kaapstad en Johannesburg is ’n 10 dae lange opskietfees met aktiwiteite soos kosuitstappies en fliekvertonings, en sluit af met ’n kosmark. Besoek streetfoodfestival.co.za vir inligting.
3–9: Verbind met die natuur en vind innerlike vrede by ’n stille toevlug op die historiese plaas Abrahamskraal naby Prins Albert. Skakel 023 541 1691 of besoek abrahamskraal.co.za.
6–9: Loer in by die FNB Joburg ArtFair in Sandton vir ’n keur van kontemporêre Afrika-kuns, asook interessante praatjies en paneelbesprekings. Kaartjiepryse begin by R150. Skakel 011 447 3868 of sien fnbjoburgartfair.co.za.
15–16: Proe die heerlikste plaaslike wyn en smul aan uithaler-disse by die Franschhoek Uncorked-fees. Kry jou naweekpas teen R150 by webtickets.co.za. Skakel 021 876 2861 of besoek franschhoekuncorked.co.za.
17: Oktober se Tuis is op die rakke
22–23: Brannas en boerie is die sterre by The Brandewyn and Boerewors Festival by Hillcrest Quarry, Durbanville. Kaartjies kos R180 by computicket.com. Skakel 076 556 9744.
23: Vier Braaidag op die Gabriëlskloofwynlandgoed buite Botrivier waar die sjef Frans Groenewald tradisionele geregte met ’n moderne kinkel voorsit. Kaartjies kos R375. Skakel 028 284 9865 en besoek gabrielskloof.co.za. 24: Erfenisdag