Slaaplesse met die Granny Goose-Stigter.
Navorsing toon dat ’n goeie nagrus jou fisiese en verstandelike gesondheid verbeter. Dus, wanneer dit kom by beddegoed aanskaf, is dit die beste om in hoëgehalte-, gemaklike en duursame produkte te belê. Ons gesels met Gaynor Walkey, stigter van Granny Goose – die voorlopers in gehalte-dons-, veer- en katoenprodukte vir meer as 25 jaar – oor hoekom beter beddegoed vir jou ’n beter nagrus verseker.
Hoekom moet ek in natuurlikevulkussings en -duvets belê en nie net ’n sintetiese alternatief kies nie?
Daar is ’n verskeidenheid redes: • Dit is warmer en ligter as sintetiese vulsel • Dit is meer pofferig, behou lug beter en waar sintetiese vesel geneig is om met tyd saam te klomp, bly dons eweredig versprei • Dit hou doodeenvoudig langer
Wat as ek allergies is vir dons?
Om die waarheid te sê – regte donsallergieë is nie baie algemeen nie (alhoewel dit kan voorkom). Die meeste allergiese reaksies op dons is eintlik ’n reaksie op stof en stofmyte. Alle Granny Goose-produkte met natuurlike vulsels word egter drie keer ontstof as deel van ons streng skoonmaakproses. Dit, met die styfgeweefde, donsdigte katoenmateriaal, verhoed dat die stofmyte die omhulsel binnedring.
Waar kry julle die vere vandaan?
Ons dons en vere is ’n 100% hernubare bron – dit is alles ’n byproduk van eende en ganse wat kommersieel geteel is vir die kosbedryf. Geen wilde voëls word benadeel gedurende die maak van hierdie produkte nie.
Ek hoor van die term “tog-value”. Wat beteken dit?
Die “tog-value” dui die verhouding tussen warmte en gewig in ’n duvet aan. Dit is die vermoë van ’n donsduvet om hitte te kan behou terwyl dit steeds uiters lig is. So, hoe hoër die “tog-value”, hoe warmer en ligter sal die duvet wees. In samewerking met SSISA om jou beter te help slaap.