Lentekoors!

V&A

Lesley Mayford van Kaapstad skryf

Ek sien so op teen die lente, want ek weet my Maltesertjie gaan weer sukkel met allergieë en jeukerigheid. Ek het al talle opsies beproef, maar met min sukses. Ek kyk nou na natuurlike oplossings; enige raad?

Prof. Patrick Bouic, ’n onafhanklike navorser vir Cape Kingdom Nutraceuticals, antwoord Omdat diere, net soos mense, sukkel met die gevolge van seisoen s verandering, moet ons hulle so gemaklik moontlik probeer maak. Gelukkig is daar ’n paar natuurlike kosse wat jou hond se simptome sal help verlig:

Jogurt Dis ’n natuurlike probiotikum, daarom is ongegeurde en onversoete jogurt die perfekte gesonde happie. Dit help om die spysverteringskanaal gesond te hou en word beskou as ’n goeie, natuurlike alternatief vir troeteldier vriendelike pro biotika wat jy oor die toonbank koop.

Boegoe Produkte wat boegoe as aktiewe natuurlike bestanddeel bevat, soos Ricky Litchfield Hot Spot Spray, help met talle algemene allergieë en velprobleme. Omdat dit as natuurlike antihistamien optree, sal dit jou hond sommer gou weer stertswaai-gelukkig hê. Boegoe het ook natuurlike anti-inflammatoriese, -bakteriële en swamwerende eienskappe wat jeukerige vel streel en die herstelproses aanhelp. Wend dit ook aan byt-, steek- en krapplekke, asook veluitslae en wonde. Die belangrikste is dat dit geen newe-effekte het nie en op die lang duur gebruik kan word.

Hawermout Dié gewilde ontbytkos is ook bekend as ’n strelende balsem vir die vel – mense én diere s’n. Meng ’n halwe koppie hawermout en ’n halwe koppie warm water tot ’n pasta en wend dit aan jou hond se jeukerige vel. Dit sal velallergieë en oppervlakkige infeksies so te sê onmiddellik verlig. Volgens dierekenners kan dit ook verligting bring vir jeukerige pote.

Natuurlike produkte bied fantastiese voordele sonder enige newe-effekte; gebruik dus dié alternatiewe middels waar jy kan.

KONTAK buchulife.com