Sjokoladeroomys horinkies
As jou eerste vouslag nie werk nie, eet die skerwe en probeer weer. Die horinkies hou tot drie dae in ’n lugdigte houer.
Maak sowat 10 horinkies Bereidingstyd: 20 minute, plus 1 uur rustyd Baktyd: sowat 5 minute per bakplaat Oondtemperatuur: 180°C
• 70g (125ml) meel
• 15ml kakao
• 100g (190ml) versiersuiker
• knippie sout
• 3 ekstragroot eierwitte, geklits
• 100g botter, gesmelt en afgekoel
• sowat 60ml gesmelte donkersjokolade
• strooiversiersel 3 Smeer die beslag
Voorverhit die oond. Sit die stensil op ’n vel bakpapier neer en smeer met ’n paletmessie ’n eweredige laag beslag oor die uitgesnyde opening. Lig die stensil versigtig op en maak nog ’n sirkel langsaan op dieselfde vel bakpapier. Sit die papier met die beslagsirkels versigtig op ’n bakplaat. Herhaal met al die beslag.
Wenk Dis raadsaam om net twee sirkels op ’n slag te bak.
1 Vir die beslag
Sif die droë bestanddele saam in ’n mengbak en klits die eierwitte geleidelik by tot glad. Klits dan die botter in ’n straaltjie by. Bedek die beslag en sit dit vir 1 uur in die yskas om te verdik voor gebruik; dit sal dan makliker smeer.
4 Vorm die horinkies
Bak elke bakplaat vir sowat 5 minute tot die sirkels ligbruin van kleur is – gee die bakplaat halfpad deur die baktyd ’n 180 °-draai en hou maar dop, want oonde verskil en die dun beslag brand vinnig. Werk vinnig sodra dit uit die oond kom: Lig die eerste deegsirkel met ’n paletmes van die papier en draai dit dadelik om die foeliekegel in die vorm van ’n horinkie; dra handskoene as jou vingers brand. Herhaal met die tweede sirkel.
Wenk As die tweede koekie reeds te hard geword het om te vou, sit dit weer vir ’n minuut in die oond om te versag.
2 Maak ’n stensil
Knip die rand van ’n 2-liter-roomysbak se deksel af en trek ’n 14 cm-sirkel daarop met behulp van ’n poedingbakkie. Sny die sirkel uit met ’n skêr of nutsmes. Maak ook ’n kegelvorm of twee uit foelie om die horinkies te help vorm.
5 Rond af
Laat al die horinkies heeltemal afkoel. Om te verseker die punte is dig toe, doop dit in gesmelte donkersjokolade en dan in strooiversiersel. Dit lyk mooi en steek enige vou-foute weg. Wenk ’n Klein malvalekker of ’n Whisper onderin die punt sal ook keer dat die roomys daar uitdrup.