Dagboek November-hoogtepunte
30 Oktober – 4 November: KAMERS/Makers Stellenbosch is vanjaar op die Blaauwklippenlandgoed, waar by die 180 uitstallers hul kreatiewe skeppings sal aanbied. Kaartjies kos R60 by plankton.mobi of R90 by die deur. Besoek kamersvol.com.
3: Bring die hele gesin na die Innistraat-fees op Winterton, KZN. Verwag kosstalletjies, boetiekbier, ritte op perdekarre en meer. Skakel 084 567 8802.
3: Vodacom bied die Cintron Pink Polo-geleentheid aan op die Val de Vie-landgoed ten bate van borskankerbewustheid. Gaste kan uitsien na die voorste modes, kos en drankies in die Wynland. Kaartjiepryse op computicket.com begin by R120. Besoek pinkpolo.co.za.
3: Draf, stap, drentel of laat wiel ten bate van kinders met gestremdhede by die 5 km-Nappy Run by die Johannesburgse dieretuin op Nasionale Kinderdag. Kaartjies by nappyrun.org.za kos R100 per volwassene en R60 vir kinders; die opbrengs sal gebruik word om doeke te koop. Skakel 011 452 2774.
10: Geniet ’n aand onder die sterre by Spier naby Stellenbosch met ’n uur lange komedievertoning deur Rob van Vuuren. Kaartjies kos R200 per persoon en vir R580 kry jy ’n piekniekmandjie vir twee en ’n bottel Spier Signature-wyn. Besoek spier.co.za of skakel 021 809 1100 om te bespreek.
14: Ceramics SA verwelkom die Britse keramiekkunstenaar Kate Malone vir dag lange keramiekwerk-slypsessies in Port Elizabeth. Skakel 074 703 4399 of stuur e-pos na info@ceramics-sa-caper.co.za.
Desember se Tuis is op die rakke! 19:
25: Bederf jouself met watertandgeure by die Rooy-Kosmark in Potchefstroom! Kom geniet boetiekbier en -wyn, asook lewende musiek. Skakel 079 918 2092 vir inligting.
25: Bring jou kredietkaart en verlustig jou in die pragtige antieke ware en versamelgoed, asook die lekkerste eetgoed by die Vintage & Artisanal Market in Saxonwold, Johannesburg. Toegang kos R10. Skakel 082 338 0416.
30 November – 1 Desember: Loer in by Prince Alfred Hamlet se Kuns-en-Kultuurfees vir ’n groot verskeidenheid aktiwiteite, stalletjies, vermaak en kompetisies. Kaartjiepryse begin by R80. Skakel 074 217 1831 of besoek hkkf.co.za vir nog inligting.