SKEP EN INNOVEER

WIE Zelda van der Walt WAAR Newcastle, KwaZulu-Natal BESIGHEID Blokk

HAAR WERK Wat vir Zelda as ’n stokperdjie begin het, het twee jaar gelede ’n besigheid geword nadat al hoe meer vriende en familie gevra het vir haar handgemaakte houtteëls. “Dié kamma-teëls is versier met ’n verskeidenheid materiale, soos beton en verf, asook oordragmotiewe. Elke teël is met die hand gemaak en het ’n mat afwerking, wat die teëls ’n vintage-gevoel gee,” verduidelik sy.

Die ontwerpe verander heeltyd en die versamelings word gereeld bygewerk; jy kan een teël (vanaf R95) koop, of ’n hele paar meng en pas vir ’n besonderse kunswerk. Blokk, wat by kuns- en kunsvlyt-feeste begin handel dryf het, het nou ook ’n aanlynwinkel, wat beteken jy kan dié handgemaakte mooigoed enige plek in Suid-Afrika koop. Sien die hele versameling by blokktiles.com.

Vrou-vrou-katoendeken in magenta (dubbel) R3 315, Mungo Fluweelagtige Damson-kombers (200 x 220cm) R299,99, MRP Home

Die Napoli-reeks hang- en vloerlampe van The Lighting Warehouse spog met organiese ontwerpe van geweefde rottang wat ’n aardse luim in enige ruimte sal skep. Ons is gaande oor dié drieliginstallasie (R1 299)! Besoek lightingwarehouse.co.za.

Plascon se nuwe palet vir die winter bring hulde aan die skoonheid van die natuur met strelende bloue, goudgeel skakerings en aardse rooie, soos dié warm rooi, Hot Terracotta. “Die winter moet ’n viering van die diepte van natuurlike kleure wees,” sê Nozipho Kunene, kleinhandelbemarkingsbestuurder by Plascon. “Mense smag na samesyn en vrede, en kleur kan daardie begeertes bevredig.” Sien plascon.com.