LIPLEKKER HOENDER!

Proe die gehalte en varsheid van Grain Field Chickens so reg van die plaas – probeer dié heerlike resep ...

HEUNINGMOSTERDBOUDJIES

Hierdie souserige hoenderporsies is eenvoudig en maklik om te berei; die oond doen al die werk en jul ete is in ’n japtrap op die tafel!

Genoeg vir 6 • Bereidingstyd: 10 minute Gaarmaaktyd: 40 minute Oondtemperatuur: 180 °C

• 12 Grain Field Chickens-hoenderboudjies SOUS

• 15ml loperige heuning

• 15ml Dijonmosterd

• 15ml korrelmosterd

• 15ml tamatiesous

• ’n groot knyp elk borrie en rissiepoeier • 10ml olyfolie

• sout en peper na smaak 1 Voorverhit die oond. Meng die heuning, mosterd, tamatiesous, borrie, rissiepoeier en olie goed.

2 Neem ’n skerp mes en maak twee diep insnydings in elke boudjie – dit sal die geure help intrek en die gaarmaaktyd verkort.

3 Giet die sous oor die hoender en vryf dit by die insnydings in. Plaas dan die boudjies in ’n oondpan en geur met die sout en peper. As jy wil, kan jy ook ’n paar suurlemoenskywe in die pan sit. Bak vir 40 minute tot die hoender goudbruin en deurgaar is. Strooi vars kruie oor en sit voor met blomkoolrys en jou gunstelinggroente.