Naweekprojek
Lego is gewilder as ooit. Maak dié speelse bêreboksie in ’n japtrap.
Wat jy nodig het • houtkissie met ’n deksel • ses 40 mmafvoerpyp-stoppers • Alcolin RapidEpoxy • helderkleurige verf en ’n kwas
1 Merk waar die stoppers op die deksel vasgesit moet word dat dit soos ’n reuseLego-blokkie lyk.
2 Meng die twee dele Alcolin Rapid-Epoxy deeglik op ’n afvalplank.
3 Smeer die epoksi aan die onderrand van die stoppers en plak dit vas in die gemerkte posisies. Laat goed droog word (minstens 24 uur).
4 Verf die hele boksie – ook die stoppers – in ’n helder, tipiese Lego-kleur.