Hoender met kekerertjies

Onder R120 • Genoeg vir 4 Bereidingstyd: 10 minute • Gaarmaaktyd: 25 minute

• 4 hoenderborsies • 30ml olie • 1 ui, gekap • 3 knoffelhuisies, gekap • 1 vinger vars gemmer, geskil en gekap • 1 groen brandrissie, gekap

• 250 ml passata (tamatiepuree) • 15 ml elk koljander en komyn • 5 ml masala • 1 blik kekerertjies • 250 ml groenertjies • ’n hand vol peulertjies

1 Maak in elke hoenderborsie drie insnydings met ’n skerp mes en meng met die olie; voeg sout en peper na smaak by. Braai in ’n warm pan tot goudbruin oraloor maar nie noodwendig deurgaar nie. Skep uit en braai die ui, knoffel, gemmer en brandrissie saam in dieselfde pan tot geurig. 2 Roer die passata en speserye by en laat prut oor lae hitte totdat die sous heerlik dik en geurig is (sowat 10 minute). Skep die hoender terug in die sous saam met die kekerertjies, groenertjies en peulertjies en laat prut tot als gaar is. As die sous te veel verdik het, verdun met ’n bietjie aftreksel. Sit voor met rys.