3 Koeklollies

• 1 Madeira-koekbrood (sowat 330g) • 60g sagte botter • 45ml roomkaas • 250 ml Huletts Icing Sugar, gesif • 15 ml Huletts Golden Syrup • witsjokolade en strooiversiersel vir afronding

1 Sit die koek in ’n groot mengbak en krummel deeglik met jou vingerpunte. Klop die botter, roomkaas, versiersuiker en stroop saam. Meng die versiersel ’n lepel vol op ’n slag by die koekkrummels in. Gebruik jou hand om die tekstuur te toets; dit moet bewerkbaar wees, maar nie te nat nie.

2 Vorm die mengsel in happiegroot balle en verkoel vir 1 uur. Smelt die sjokolade, steek ’n koekvurk of stokkie in elk van die balle en doop dit in die sjokolade. Versier met die strooiversiersel.