Só voorkom jy krake

“Geringe verskuiwings is normaal in ’n groot struktuur soos ’n afgevlakte vloer,” verduidelik die bouer Herman van der Schyff van die Van der Schyff Trust. “Jy kan keer dat die vloer kraak deur voorsiening te maak vir uitsitvoeë in die vloer, sodat enige fyn of groter krake in die voeg pleks van die gladde oppervlak verskyn.” Dis presies wat Rikus en Eunice Swanepoel by hul huis in Irene gedoen het. Herman het ’n bindvloeistof by ’n gewone afvlakmengsel gevoeg sodat dit beter kan klou, buigsamer en waterbestand kan wees. Die vloer is gladgestryk en verseël met Pavini-vloerseëlaar. >>