Vars idees met blou in jou dekor
Donker bekoring
Turkoois is ’n koel, tropiese kleur, en word weinig saam met swart gebruik. Maar Katie Farringer skrik nie vir ongewone kleurkombinasies nie. Die mat swart mure in die kombuis van haar Sky View Manor-gastehuis buite Stellenbosch is die perfekte pasmaat vir die turkoois kombuiskaste, en boonop laat dit die vertrek groter lyk. Geel tafelpote en blomplakkers teen die mure is speelse elemente. Swart muur geverf met Plascon Dark Onyx; kaste geverf met Dulux Crystal Surprise 4; tafelpote geverf met Plascon Lemon Rind; bekers van Volpes